O pasado xoves a Universidade de Santiago de Compostela foi o escenario da terceira e última reunión de traballo do obradoiro de dixitalización do «Plan 2 Millóns», un proxecto organizado polo Clúster Galego da Industria do Deporte e o Benestar co financiamento do IGAPE.
Este terceiro encontro serviu para darlle continuidade aos avances levados a cabo, definindo o plan de acción e os próximos pasos para crear unha ferramenta tecnolóxica que axude a incrementar a poboación activa e permita contabilizar a súa actividade deportiva, cuantificando o impacto real do Plan 2 Millóns.
Nesta reunión participou como entidade convidada o Concello de Pontevedra, unha administración moi concienciada coa importancia de construír unha sociedade máis activa e saudable.
Neste obradoiro do Clúster participaron as seguintes empresas e entidades: Máis que auga, Padelprix, RunManiak, DOS Deporte, ENKI, Federación Galega de Atletismo, Universidade da Coruña, Universidade de Vigo, Universidade de Santiago de Compostela, Cluster TIC Galicia/Cinfo, Wellk, Onnda e Torusware.
